అదానితో దోస్తీ,అల్లుడి ఆస్తుల కోసం రేవంత్ ఆరాటం : కేటీఆర్

నీలి మేఘాల్లో సీఎం రేవంత్ .. నీలి నీడల్లో గురుకులాల భవిష్యత్తు అని కేటీఆర్ ఆరోపించారు. తెలంగాణ రాష్ట్రంలో ఒకవైపు పట్టెడు అన్నం కోసం విద్యార్థుల పోరాటం చేస్తున్నారు మరోవైపు మూసీ ముడుపుల కోసం రేవంత్ ఆరాటం పడుతున్నారు అని కేటీఆర్ అన్నారు. కంచం లో పురుగులు,కాటేసే పాములు,కారణం లేని మరణాలతో విద్యార్థుల పోరాటం చేస్తుంటే.. అదానితో దోస్తీ,అల్లుడి ఆస్తుల కోసం రేవంత్ ఆరాటం పడుతున్నారు అని నిలదీశారు. విద్యార్థుల కనీస వసతులు లేక,సరిపడా మరుగుదొడ్లు లేక,అనారోగ్యాలతో బాధపడుతున్నారు. లగచర్ల పై లాఠీ విరిచి ,రైతుల నడ్డి విరిచి ఫార్మా పేరుతో భూదందాకై రేవంత్ రాజకీయం చేస్తున్నారు. విద్యార్థులు పురుగుల అన్నం తిని అంబులెన్స్ లో వెళ్తుంటే.. పంచభక్ష పరమాన్నాలు తిని హెలికాఫ్టర్ లో రేవంత్, మంత్రుల షికార్లు చేస్తున్నారు అని కేటీఆర్ ఆరోపించారు. మూసీలో లక్షల కోట్లు ముఖ్యమంత్రి కుమ్మరిస్తున్నరు. కానీ విద్యార్థి కడుపుకు నాణ్యమైన బుక్కెడు బువ్వ కోసం ఖర్చుపెట్టవా రేవంత్ అని కేటీఆర్ ప్రశ్నించారు.