క్యానులు, డ్రమ్ముల్లో నేపాల్ నుంచి పెట్రోలు తెచ్చుకుంటున్న జ‌నాలు

Until four years ago, petrol and diesel together sold between seven and eight thousand liters a day. But in recent times sales have dropped from fifteen hundred to two thousand liters.

The reason for this is not the declining number of vehicles in the area. With petrol being cheaper in Nepal than in India, smuggling across the border has increased. Locals are coming to Nepal in their vehicles and filling up with petrol and diesel.

భారత్, నేపాల్ సరిహద్దుకు సమీపంలో ఉన్న బీహార్ రాష్ట్రంలోని రాక్సౌల్ పట్టణంలో యుగల్ కిశోర్ షికారియా 30 ఏళ్లుగా పెట్రోల్ బంకు నడుపుతున్నారు.

నాలుగేళ్ల క్రితం వరకూ పెట్రోల్, డీజిల్ కలిపి రోజుకు ఏడు నుంచి ఎనిమిది వేల లీటర్ల దాకా అమ్ముడయ్యేవి. కానీ ఈ మధ్య కాలంలో అమ్మకాలు పదిహేను వందల నుంచి రెండు వేల లీటర్లకు పడిపోయాయి.

దీనికి కారణం ఈ ప్రాంతంలో వాహనాలు తగ్గిపోవడం కాదు. భారత్ కన్నా నేపాల్‌లో పెట్రోల్ చౌకగా దొరకడంతో సరిహద్దుల వెంబడి అక్రమ రవాణాలు పెరిగిపోయాయి. స్థానికులు తమ వాహనాల్లో నేపాల్ వెళ్లి పెట్రోల్, డీజిల్ నింపుకుని వస్తున్నారు.

నేపాల్ పారిశ్రామిక రాజధానిగా పేరు పొందిన వీర్‌గంజ్ సమీపంలో భారత రాక్సౌల్ సరిహద్దుల దగ్గర 1,360 లీటర్ల పెట్రోల్ తరలిస్తున్న ట్యాంకర్లను రక్షక దళాలు స్వాధీనం చేసుకున్నాయి. ముగ్గురిని అరెస్ట్ చేశారు.

“సరిహద్దులు చాలా మటుకు తెరిచే ఉంటాయి. అందుకే స్మగ్లర్లు పెద్ద పెద్ద డ్రమ్ములతో, క్యాన్లతో పెట్రోలు, డీజిల్‌ను భారత్‌కు అక్రమ రవాణా చేస్తున్నారు. అలాగే పెద్ద ట్రక్కులు, ట్యాంకర్లతో రోడ్డు మార్గం ద్వారా అక్రమంగా తరలిస్తున్నారు. స్థానికులకు నేపాల్ వెళ్లి వాహనాల్లో పెట్రోల్ నింపుకోవడం సులభం. భయంతో వెళ్లలేని వారు అక్రమంగా తరలిస్తున్నవారి దగ్గర కొనుక్కుంటున్నారు” అని యుగల్ కిశోర్ చెప్పారు.

భారత్‌లో ఇంధన ధరలు ఇలాగే పెరుగుతూ ఉంటే, సరిహద్దుల్లో అక్రమ రవాణా నివారించకపోతే చుట్టు పక్కల పెట్రోల్ పంపులన్నీ మూతపడతాయని కిశోర్ ఆందోళన వ్యక్తం చేశారు.

వీర్‌గంజ్‌లో గత శనివారం నాటి ధరలు పరిశీలిస్తే లీటర్ డీజిల్ భారత్ కంటే నేపాల్‌లో రూ.27.50 తక్కువగా ఉంది. పెట్రోల్ ధర రూ.23 తక్కువగా ఉంది.