– ఎన్నికల షెడ్యూల్పై కేటీఆర్ న్యూమరాలజీ
– తమ పార్టీకి 6 కలిసొస్తుందని ఆశాభావం
– పరకాల బహిరంగసభ ఐటీ మంత్రి కొత్త లెక్కలు
ఇదేనిజం, తెలంగాణ బ్యూరో: ఎన్నికల షెడ్యూల్ వచ్చేసింది. దీంతో అన్ని పార్టీలూ దూకుడు పెంచాయి. ఇప్పటికే మంత్రులు కేటీఆర్, హరీశ్ రావు రాష్ట్రంలో విస్తృతంగా పర్యటిస్తున్నారు. సోమవారం ఎన్నికల షెడ్యూల్ రావడంతో మరింత స్పీడు పెంచారు. ఎన్నికల షెడ్యూల్ తేదీని సైతం కేటీఆర్ తెలివిగా తనకు అనుకూలంగా మార్చుకున్నారు. సోమవారం పరకాల బహిరంగ సభలో కేటీఆర్ మాట్లాడుతూ.. ‘ఎన్నికల షెడ్యూల్ వచ్చిన తేదీ 30, ఫలితాలు రాబోయేది 3 వ తేదీ. వెరసి 3+3=6. మాకు ఆరు లక్కీ నంబర్ కాబట్టి సీఎం కేసీఆర్ కచ్చితంగా హ్యాట్రిక్ సీఎం అవుతారు.’ అంటూ కేటీఆర్ వ్యాఖ్యానించారు. ప్రస్తుతం ఈ కామెంట్స్ సోషల్ మీడియాలో వైరల్ అవుతున్నాయి.
ఇప్పటికే రాష్ట్రంలో బీఆర్ఎస్ పార్టీ అభ్యర్థులను ప్రకటించి దూకుడుగా ముందుకు సాగుతోంది. కాంగ్రెస్, బీఆర్ఎస్ ఇప్పటివరకు అభ్యర్థులను ప్రకటించలేదు. ఇంకా కసరత్తు జరుగుతూనే ఉంది. అయితే మంత్రి కేటీఆర్, హరీశ్ రావు లు మాత్రం ఇప్పటికే ఎన్నికల ప్రచారంలో దూసుకుపోతున్నారు. ఎక్కడి కక్కడ పంచ్ డైలాగులు పేలుస్తూ ప్రజలను ఉత్సాహపరుస్తున్నారు. తాజాగా కేటీఆర్ 6 లక్కీ నంబర్ అంటూ వ్యాఖ్యానించారు. మరి బీఆర్ఎస్ పార్టీకి ఈ లక్కీ నంబర్ కలిసొస్తుందా? అన్నది వేచి చూడాలి.
Read More :
KCR Vision వల్లే Hyderabad అభివృద్ధి
http://idenijam.com/he-said-that-hyderabad-has-developed-because-of-kcrs-vision/
