ధర్మవరం మాజీ ఎమ్మెల్యే కేతిరెడ్డి వెంకట్రామిరెడ్డికి రెవెన్యూ అధికారులు షాక్ ఇచ్చారు. చెరువు భూములు కబ్జా చేశారని కేతిరెడ్డి సోదరుడి భార్య వసుమతికి నోటీసులు ఇచ్చారు. 7 రోజుల్లో చెరువు భూములు ఖాళీ చేయాలని నోటీసులలో ఉంది. లేదంటే భూమిని స్వాధీనం చేసుకుంటామని అధికారులు పేర్కొన్నారు. ఈ నెల 5న ధర్మవరం నీటిపారుదల శాఖ అధికారులు నోటిసులు జారీ చేశారు. కేతిరెడ్డి మొత్తం 20 ఎకరాలు కబ్జాకు పాల్పడ్డారు అంటూ నోటీసులలో ఉంది. ఈ నెల 6న కేతిరెడ్డి PA నోటీసులు అందుకున్నారు.
భూకబ్జా ఆరోపణలపై కేతిరెడ్డి ఏమన్నారంటే!
భూకబ్జా ఆరోపణలపై కేతిరెడ్డి స్పందించారు. ‘‘ ప్రస్తుతానికి ఈ అంశం కోర్టు పరిధిలో ఉంది. రాజకీయంగా ఎదుర్కోలేక నాపై దుష్ప్రచారం చేస్తున్నారు’’ అని ఆయన అన్నారు.
