తెలుగు రాష్ట్రాల్లో నామినేషన్లకు నేడే ఆఖరు

ఇదే నిజం, తెలంగాణ: తెలంగాణ లోక్‌సభ, ఆంధ్రప్రదేశ్‌లో అసెంబ్లీ, లోక్‌సభ ఎన్నికలకు సంబంధించి అభ్యర్థులు నామినేషన్లు దాఖలు చేసేందుకు నేటితో గడువు ముగియనుంది. తెలంగాణలోని 17 లోక్‌సభ స్థానాలకు సంబంధించి ఈ నెల 18 మొదలైన నామినేషన్ల ప్రక్రియ నేటితో ముగియనుంది. గడువు ఒక్కరోజే ఉండటంతో బుధవారం బీఆర్ఎస్, కాంగ్రెస్, బీజేపీ నుంచి ఎంపీ అభ్యర్థులు ఎక్కువ మంది నామినేషన్లు దాఖలు చేశారు. మరోవైపు ఇండిపెండెంట్ అభ్యర్థులతో కలిసి బుధవారం పెద్ద సంఖ్యలో నామినేషన్‌లు దాఖలయ్యాయి. నేడు చివరి తేదీ కావడంతో భారీ ఎత్తున నామినేషన్లు వేసే అవకాశం ఉన్నట్లు తెలుస్తోంది. తెలుగు రాష్ట్రాలతో పాటు బిహార్, జార్ఖండ్, మధ్యప్రదేశ్, మహారాష్ట్ర, ఒడిశా, యూపీ, బెంగాల్, జమ్మూకశ్మీర్‌లోని మొత్తం 96 లోక్‌సభ స్థానాలకు మే 13న పోలింగ్ జరగనుంది.