రైతులకు శుభవార్త.. దీపావళి తర్వాత 4 లక్షల మంది రైతులకు రుణమాఫీ..!

మహబూబాబాద్ జిల్లా కొత్తగూడెం మండలంలో పలు అభివృద్ధి కార్యక్రమాలలో మంత్రి సీతక్క పాల్గొన్నారు. ఈ సందర్భంగా మాట్లాడుతూ.. రెండు మూడు నెలల్లోనే 25 లక్షల మంది రైతులకు రూ. 2 లక్షలు రుణమాఫీ చేస్తామన్నారు. దీపావళి పండుగ తర్వాత మరో 4 లక్షల మంది రైతులకు రుణమాఫీ చేస్తామన్నారు. ఏజెన్సీలో సాగు చేసుకుంటున్న గిరిజన రైతుల భూములకు పట్టాలు ఇస్తామని సీతక్క తెలిపారు. దళారుల మాటలకు రైతులు మోసపోవద్దని తెలిపారు. భూ పట్టాలు ఇప్పిస్తామంటూ బ్రోకర్లు వస్తున్నారని.. ఎవరిని నమ్మకండి ప్రభుత్వం అర్హులకు పట్టాలు ఇస్తోందని స్పష్టం చేశారు.