స్వాతంత్య్ర ఉద్యమ బ్యాక్​డ్రాప్​లో బన్నీ–త్రివిక్రమ్ మూవీ

పుష్ప–2 మూవీ షూటింగ్​లో బిజీగా ఉన్న ఐకాన్ స్టార్ అల్లు అర్జున్.. తన తర్వాతి సినిమాను త్రివిక్రమ్ శ్రీనివాస్​తో చేయనున్న సంగతి తెలిసిందే. జులాయి, సన్నాఫ్​ సత్యమూర్తి, అల వైకుంఠపురంలో లాంటి సూపర్​హిట్ల తర్వాత వీరిద్దరూ మరోసారి జతకట్టారు. త్రివిక్రమ్ స్క్రిప్ట్​ను ఫైనల్ చేసే పనిలో ఉన్నారని టాక్. పాన్​ ఇండియా లెవెల్​లో తెరకెక్కుకున్నఈ సినిమాకు సంబంధించి ఓ ఇంట్రెస్టింగ్ బజ్ వినిపిస్తోంది. భారత స్వాతంత్య్ర ఉద్యమం బ్యాక్​డ్రాప్​లో ఈ మూవీ ఉండనుందని సమాచారం. ఇక, ఈ సినిమాని 300 కోట్ల భారీ బడ్జెట్​తో హరిక, హాసిని, గీతా ఆర్ట్స్ సంస్థలు నిర్మించనున్నాయి. డిసెంబర్ నుంచి ఈ సినిమా షూటింగ్ స్టార్ట్ కాబోతున్నట్లు తెలుస్తోంది. మొత్తానికి తమ నాలుగో చిత్రాన్ని త్రివిక్రమ్ – బన్నీ చాలా గ్రాండ్​గా ప్లాన్ చేశారు. తమన్ ఈ సినిమాకు మ్యూజిక్ అందించనున్నాడు. టైటిల్, ఇతర వివరాలను తొందరలోనే రివీల్ చేయనున్నట్లు మేకర్స్ తెలిపారు.