దాడి కేసులో ఇద్దరు నిందితులకు జైలు శిక్ష

ఇదే నిజం, ప్రతినిధి వరంగల్: దాడి కేసులో ఇద్దరు నిందితులను పరకాల కోర్టు జైలు శిక్ష విధించింది. 2015వ సంవత్సరంలో హన్మకొండ జిల్లా పులిగిల్ల గ్రామానికి చెందిన దద్దు సమ్మయ్యపై ఓ భూ వివాదంలో అతడి సోదరులు రాజయ్య, సాంబయ్య దాడి చేశారు. ఈ దాడిలో సమ్మయ్య తీవ్రంగా గాయపడ్డాడు. దీంతో అతడు పరకాల పీఎస్​లో ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేపట్టారు. గురువారం నిందితులను పరకాల కోర్టు ఎదుట హాజరుపరిచారు. నేరం రుజువు కావడంతో న్యాయమూర్తి శాలిని లింగం వీరికి రెండేండ్ల జైలు శిక్ష, 10 వేల జరిమానా విధించారు