– ఒకేరోజు మూడు పార్టీల భారీ బహిరంగసభలు
– పరేడ్ గ్రౌండ్స్లో కాంగ్రెస్ సభ, కరీంనగర్లో బీఆర్ఎస్ కదనభేరి
– ఇంపిరియల్ గార్గెన్స్, ఎల్బీ స్టేడియంలో అమిత్ షా మీటింగ్
ఇదేనిజం, తెలంగాణ బ్యూరో: ఒకేరోజు మూడు పార్టీలకు సంబంధించిన బహిరంగసభలు రాష్ట్రంలో నిర్వహించబోతున్నారు. దీంతో రాజకీయం ఒక్కసారిగా వేడెక్కింది. కాంగ్రెస్, బీజేపీ, బీఆర్ఎస్ మూడు పార్టీలు ఒకేరోజు సభ నిర్వహిస్తుండటం గమనార్హం. పరేండ్ గ్రౌండ్స్లో కాంగ్రెస్ పార్టీ మహిళా శక్తి విధాన ఆవిష్కరణ కార్యక్రమం నిర్వహించోబోతున్నారు. ఈ సభకు దాదాపుగా లక్ష మంది మహిళలను తరలించబోతున్నట్టు తెలుస్తున్నది. ఎల్బీ స్టేడియంలో కేంద్ర మంత్రి అమిత్ షా విజయసంకల్ప సమ్మేళనం నిర్వహించనున్నారు. సోషల్ మీడియా వారియర్స్తో ఆయన భేటీ కాబోతున్నారు. ఇక బీఆర్ఎస్ ఆధ్వర్యంలో కరీంనగర్లో కదనభేరి పేరిట భారీ బహిరంగసభ ఉండబోతున్నది. ఈ సభకు భారీగా జనాలను తరలిస్తున్నారు. 12 వ తేదీన కరీంనగర్ లో సభ నిర్వహించాలని తొలుత బీఆర్ఎస్ పార్టీ నిర్ణయం తీసుకున్నది. ఆ తర్వాత క్రమంగా కాంగ్రెస్, బీజేపీ లు కూడా అదే రోజు సభలను నిర్వహించాయి. మొత్తంగా ప్రస్తుతం రాష్ట్ర వ్యాప్తంగా ఈ మూడు సభల ఏర్పాట్ల మీదే చర్చ జరుగుతోంది.
