రామ భక్తుడైన హనుమంతుడిని సంకత్మోచన అంటారు. హనుమంతుడిని ఆరాధించడం వల్ల కష్టాలు, అడ్డంకుల నుండి విముక్తి లభిస్తుంది. ప్రతి సంవత్సరం చైత్ర మాసం పౌర్ణమి రోజున హనుమాన్ జన్మోత్సవం జరుపుకుంటారు. పౌరాణిక, మతపరమైన విశ్వాసాల ప్రకారం సంకత్మోచన్ హనుమంతుడు ఈ రోజున జన్మించాడు కావునా దేశవ్యాప్తంగా అతని జయంతిగా జరుపుకుంటారు. భక్తులు ఈ రోజున హనుమంతుని దీవెనలు కోరుకుంటారు. ఈ ఏడాది హనుమాన్ జయంతి ఏప్రిల్ 23న వచ్చింది.
హనుమాన్ జయంతి రోజు మాంసం, మద్యం పొరపాటున కూడా ముట్టుకోకూడదు. ఆరోజు వీలైనంత వరకు ఉపవాసం ఉండేందుకు ప్రయత్నించాలి. హనుమంతుడిని పూజించేందుకు ఎరుపు, నారింజ, పసుపు రంగు దుస్తులు ధరించాలి. ఈ రోజున తెలుపు, నలుపు రంగు దుస్తులు ధరించకుండా ఉండటమే మంచిది. హనుమంతుడికి పొరపాటున కూడా పంచామృతాన్ని పెట్టకూడదు. వాటితో అభిషేకం చేయకూడదు. భజరంగ్ బలికి ఇష్టమైన శనగపప్పు, బూందీ లడ్డు, సమర్పించడం శుభప్రదంగా భావిస్తారు.
