IPL 2024: గుజరాత్ టైటాన్స్‌కు వరుణుడు షాక్.. టోర్నీ నుంచి గుజరాత్ ఔట్..

కోల్‌కతా నైట్ రైడర్స్‌ పై గెలిచి ప్లేఆఫ్స్ ఆశలు సజీవంగా ఉంచుకోవాలనుకున్న గుజరాత్ టైటాన్స్‌కు వరుణుడు షాక్ ఇచ్చాడు. కనీసం టాస్ కూడా పడకుండా మ్యాచ్ రద్దైంది. ప్రతికూల వాతావరణం కారణంగా టాస్‌ను ఆలస్యంగా వేస్తామని తొలుత నిర్వాహకులు ప్రకటించారు.కానీ ఆ తర్వాత భారీ వర్షం కురిసింది. అయితే రాత్రి 10.30 గంటలకు వరుణుడు కరుణించాడు. కవర్లు పిచ్ నుండి తీయబడ్డాయి. మ్యాచ్ కనీసం ఐదు ఓవర్ల పాటు సాగుతుందని అందరూ భావించారు. కానీ గుజరాత్-కేకేఆర్ మ్యాచ్ రద్దు అయినట్లు మ్యాచ్ రిఫరీ ప్రకటించారు. ఈ మ్యాచ్ రద్దుతో గుజరాత్ టైటాన్స్ అధికారికంగా టోర్నీ నుంచి నిష్క్రమించింది. ఎలా అంటే.. రద్దు కారణంగా రద్దు కారణంగా ఇరు జట్లకు చెరో పాయింట్ వచ్చింది. దీంతో గుజరాత్ టైటాన్స్ ఖాతాలో 11 పాయింట్లు చేరాయి. ఆ తర్వాత సన్‌రైజర్స్‌ హైదరాబాద్‌తో జరగనున్న మ్యాచ్‌లో గుజరాత్‌ గెలిచినా.. గరిష్టంగా 13 పాయింట్లు సాధిస్తుంది. ఇప్పటికే నాలుగు జట్లు 13 పాయింట్లకు పైగా స్కోర్ చేశాయి.