మరో నాలుగు రోజుల్లో టీ20 ప్రపంచకప్(T20 World Cup) ప్రారంభం కానుంది. జూన్ 2 నుంచి ప్రారంభం కానున్న ఈ మెగాటోర్నీకి అమెరికా-వెస్టిండీస్ ఆతిథ్యమిస్తున్నాయి. ప్రపంచకప్‌కు సన్నాహకంగా సోమవారం నుంచి వార్మప్ మ్యాచ్‌లు ప్రారంభమయ్యాయి. అయితే వార్మప్ మ్యాచ్‌ల్లో ఆడేందుకు ఆస్ట్రేలియాకు 11 మంది రెగ్యులర్ ఆటగాళ్లు కూడా లేరు. మంగళవారం నమీబియాతో జరిగిన మ్యాచ్‌లోనూ ఆసీస్ ఈ పరిస్థితి ఎదురైంది. ఫీల్డింగ్‌లో సరైన ఫీల్డర్లు లేకపోవడంతో చీఫ్ సెలక్టర్ మరియు కోచింగ్ సిబ్బంది ఫీల్డింగ్‌కు రావాల్సి వచ్చింది. ఐపీఎల్ కారణంగా స్టార్ ఆటగాళ్లు జట్టుకు దూరంగా ఉన్నారు.
ఐపీఎల్-2024 సీజన్ ఆదివారంతో ముగిసిన సంగతి తెలిసిందే. ఫైనల్లో సన్‌రైజర్స్ హైదరాబాద్‌పై కోల్‌కతా నైట్ రైడర్స్ విజయం సాధించింది. అయితే ఆస్ట్రేలియా స్టార్ ప్లేయర్లు పాట్ కమిన్స్, ట్రావిస్ హెడ్, మిచెల్ స్టార్క్, గ్లెన్ మాక్స్‌వెల్, కెమరూన్ గ్రీన్ ప్లేఆఫ్స్‌లో ఆడారు. ఈ విశ్రాంతి కారణంగా, ఈ కీలక ఆటగాళ్లు వార్మప్ మ్యాచ్‌లకు దూరమయ్యారు. అంతేకాకుండా, గాయం కారణంగా మిచెల్ మార్ష్ మైదానానికి దూరంగా ఉండటంతో, నమీబియాలో కేవలం 9 మంది ఆటగాళ్లు మాత్రమే ఈ మ్యాచ్‌కు అందుబాటులో ఉన్నారు.
T20 World Cup: ఆసీస్ కొంపముంచిన ఐపీఎల్.. నమీబియా మ్యాచ్‌‌లో ఆసీస్ బిగ్ షాక్..
