మరో విషాద ఘటన.. ఊరంతా కొట్టుకుపోయి.. ఒక్క ఇల్లు మాత్రమే మిగిలింది.. ఎక్కడంటే?

హిమాచల్‌ ప్రదేశ్‌లో కుంభ వృష్టి కారణంగా మెరుపు వరదలు సంభవించాయి. లేచి చూసేసరికి శిమ్లా జిల్లా రాంపూర్‌ ప్రాంతంలోని సమేజ్ ఖాడ్‌లో మా ఇల్లు తప్ప అంతా ధ్వంసమైందని అనితాదేవీ ఆవేదన వ్యక్తంచేశారు. ‘‘పెద్దశబ్దంతో ఏం జరిగిందో చూసేందుకు మేం బయటకువచ్చాం. అంతా నీరే. ఊరంతా కొట్టుకుపోయింది. భయంతో మేమంతా కాళీమాతా ఆలయం వద్ద తల దాచుకున్నాం.’’ అని అనిత తీవ్ర ఉద్వేగానికి గురయ్యారు. ఈ విలయంలో 53 మంది గల్లంతైనట్టు సమాచారం.