రైల్వేశాఖ కీలక నిర్ణయం.. పండగల సీజన్‌ను దృష్టిలో ఉంచుకొని ప్రత్యేక డ్రైవ్..!

త్వరలో రానున్న పండగల సీజన్‌ను దృష్టిలో ఉంచుకొని టికెట్‌ లేని ప్రయాణికులకు చెక్‌ పెట్టేందుకు భారత రైల్వేశాఖ ప్రత్యేకంగా తనిఖీలు చేసేందుకు సిద్ధమైంది. అక్టోబర్ 1 నుంచి 15 వరకు, అక్టోబర్ 25 నుంచి నవంబర్‌ 10 వరకు టికెట్‌ లేకుండా ప్రయాణించేవారిని కట్టడి చేసేందుకు భారత రైల్వేశాఖ ప్రత్యేక డ్రైవ్ ప్రారంభించనుంది. ఈ మేరకు 17 జోన్ల జనరల్‌ మేనేజర్‌లకు లేఖ రాసింది. నివేదికలను నవంబర్‌ 18 నాటికి పంపించాలని కోరింది.