యూపీఐ చెల్లింపులుపై ఆర్బీఐ కీలక ప్రకటన.. ఇకపై అది లేకపోయినా ప్రెమెంట్స్ ..!

యూపీఐ చెల్లింపులు రోజురోజుకూ పెరుగుతున్నాయి. చాయ్ తాగడానికి, బయట తినడానికి, షాపింగ్ చేయడానికి, వేలకు వేలు చెల్లించడానికి 10 రూపాయలు చెల్లించడం నుండి చాలా మంది యూపీఐకి ఉపయోగిస్తున్నారు. అయితే ఇప్పుడు ప్రజలకు మరింత అందుబాటులో ఉండేలా ఆర్‌బీఐ యూపీఐ సేవల్లో కూడా కొత్త సౌకర్యాలను తీసుకువస్తోంది. ఇందులో భాగంగా ఫీచర్ ఫోన్ల ద్వారా ఇంటర్నెట్ లేకపోయినా యూపీఏ 123 పే సేవలను తీసుకొచ్చింది. అలాగే.. పిన్ అవసరం లేకుండానే చిన్న మొత్తాలకు చెల్లింపులు చేసేందుకు యూపీఐ లైట్ ను ప్రవేశపెట్టారు. మరోవైపు, యూపీఐ సర్కిల్ కూడా ఇటీవల ప్రకటించబడింది, దీని వల్ల ఒకే యూపీఐతో ఎక్కువ మంది ఉపయోగిచుకోవచ్చు అని తెలిపింది. ఇప్పుడు, రిజర్వ్ బ్యాంక్ ద్రవ్య విధాన సమీక్ష సమావేశంలో, ఆర్బీఐ కూడా యూపీఐ గురించి కీలక ప్రకటనలు చేసింది. ఇందులో భాగంగా ముందుగా.. ఫీచర్ ఫోన్‌ల (స్మార్ట్‌ఫోన్‌యేతర) ద్వారా యూపీఐ 123 పేలో డిజిటల్ చెల్లింపుల లావాదేవీల పరిమితి రూ. 10 వేలకు పెంచారు. ఇంతకు ముందు ఇక్కడ ఒక్కో లావాదేవీకి గరిష్టంగా రూ. 5 వేల వరకు పంపే అవకాశం ఉండేది. చిన్న మొత్తాల్లో డిజిటల్ చెల్లింపులను సులభతరం చేసేందుకు రిజర్వ్ బ్యాంక్ ఆఫ్ ఇండియా యూపీఐ లైట్ ఫీచర్‌ను ప్రవేశపెట్టిన సంగతి తెలిసిందే. ఫోన్ పే, Google Pay, Paytm మొదలైన వాటిలో దీనిని ఉపయోగించవచ్చు. ఇక్కడ కూడా వాలెట్‌ నగదు లిమిట్‌ను రూ. 2 వేల నుంచి ఇప్పుడు 5 వేలకు పెంచింది. ఇంకా ఇక్కడ పర్ ట్రాన్సాక్షన్ లిమిట్ కూడా రూ. 100 నుంచి 500 కు పెంచుతున్నట్లు ఆర్బీఐ ప్రకటించింది. .