తెలంగాణ ప్రభుత్వం మరో కీలక నిర్ణయం తీసుకుంది. గోదావరి ఫేజ్ 2లో భాగంగా హైదరాబాద్ శివార్లలోని కేశవపురం రిజర్వాయర్ కాంట్రాక్టును గత ప్రభుత్వం రద్దు చేసింది.కొండపోచమ్మసాగర్‌ నుంచి గోదావరి నీటిని కేశవపురం రిజర్వాయర్‌కు తరలించి అక్కడి నుంచి హైదరాబాద్‌కు తాగునీటి అవసరాల కోసం ఒప్పందాన్ని రద్దు చేస్తూ మున్సిపల్ శాఖ ప్రిన్సిపల్ సెక్రటరీ దానకిషోర్ బుధవారం ఉత్తర్వులు జారీ చేశారు.
సరైన సమయంలో భూసేకరణ జరగకపోవడం, పనులు ప్రారంభించకపోవడంతో కాంట్రాక్టు రద్దు చేసినట్లు ఉత్తర్వుల్లో పేర్కొన్నారు. రాష్ట్ర ప్రభుత్వం తీసుకున్న ఈ నిర్ణయంతో కేశవాపురం రిజర్వాయర్ వ్యయం, అందులో భాగంగా చేపట్టిన పనుల వల్ల దాదాపు రూ.2 వేల కోట్లు ఆదా కానున్నాయి. అదే ఖర్చుతో మల్లన్నసాగర్ నుంచి గోదావరి ఫేజ్ 2 పథకాన్ని ఉస్మాన్ సాగర్, హిమాయత్ సాగర్ రిజర్వాయర్లకు పొడిగించి హైదరాబాద్ గ్రేటర్ సిటీ తాగునీటి అవసరాలకు తాగునీరు అందించేందుకు రాష్ట్ర ప్రభుత్వం కొత్త ప్రతిపాదనలు సిద్ధం చేసింది.
తెలంగాణ ప్రభుత్వం మరో కీలక నిర్ణయం.. ఆ కాంట్రాక్ట్ రద్దు చేస్తూ ఉత్తర్వులు జారీ
