హీరో ధనుష్, ఐశ్వర్య విడాకులు.. తీర్పు ఇచ్చిన కోర్టు..!

తమిళ హీరో ధనుష్ మరియు ఐశ్వర్య 2022లో విడిపోతున్నట్లు ప్రకటించారు. ఆ తర్వాత వారిద్దరూ విడివిడిగా జీవిస్తూ విడాకుల కోసం కోర్టులో కేసు వేశారు. ఈ కేసుకు సంబంధించి ఐశ్వర్య ఇప్పటికే కోర్టుకు హాజరు కాగా, నటుడు ధనుష్ నవంబర్ 21న విచారణకు హాజరయ్యారు. హీరో ధనుష్-ఐశ్వర్య రజనీకాంత్ విడాకుల కేసుపై కోర్టు ఈ నెల 27న తీర్పును ప్రకటించింది.ఈ కేసులో చెన్నై కుటుంబ సంక్షేమ న్యాయస్థానం హీరో ధనుష్, ఐశ్వర్యలకు విడాకులు మంజూరు చేసింది. వివాహ బంధం నుంచి విడిపోవాలని నిర్ణయించుకున్నట్లు చెన్నై కుటుంబ సంక్షేమ కోర్టులో ఇద్దరూ పేర్కొన్నారు. దీంతో చెన్నై ఫ్యామిలీ కోర్టు వారిద్దరికీ విడాకులు ఇవ్వాలని ఆదేశించింది.