సినిమాలు చూసి యువత చెడుదారి పడుతోంది : హోంమంత్రి అనిత

ఆంధ్రప్రదేశ్ హోంమంత్రి వంగలపూడి అనిత సినిమాలపై కీలక వ్యాఖ్యలు చేశారు. సినిమాలు చూసి యువత చెడుదారిలో పయనిస్తోందన్నారు. సినిమాల్లో మంచి కంటే చెడునే ఎక్కువగా తీసుకుంటున్నారని వ్యాఖ్యానించారు. నేటి సమాజంలో డ్రగ్స్, గంజాయి స్మగ్లింగ్ చేసేవారిని హీరోలుగా చూస్తున్నారని, అయితే ఈ సంస్కృతి పోవాలని, ఆడపిల్లలను కాపాడే వారిని హీరోలుగా చూడాలని, మగపిల్లలను సక్రమంగా పెంచితే ఈ సమస్యలన్నీ ఉండవని ఆమె అన్నారు.