Champions Trophy Semi Final: ఈ సారైనా ‘హెడ్’ విధ్వంసానికి ఆపగలమా.. 2023 వరల్డ్ కప్ ప్రతీకారం తీరనుందా..?

Champions Trophy Semi Final: ఛాంపియన్స్ ట్రోఫీలో భాగంగా కాసేపట్లో టీమిండియా, ఆస్ట్రేలియా మధ్య తొలి సెమీఫైనల్ పోరుకు రంగం సిద్ధమైంది. ఇరు జట్లకు ఈ మ్యాచ్ లో ఎలాగైనా గెలిచి ముందుకెళ్లాలని పట్టుదలతో ఉన్నారు. అయితే ఇప్పుడు అందరి దృష్టి ఆసీస్ విధ్వంసకర బ్యాటర్ హెడ్ పైనే ఉంది. వన్డేల్లో టీమిండియాపై హెడ్ కు మంచి రికార్డు ఉంది. భారత్ పై 9 వన్డేలు ఆడిన హెడ్ 43.12 సగటుతో 345 పరుగులు చేశాడు. వాటిలో అతను ఒక సెంచరీ, ఒక హాఫ్ సెంచరీ ఉంది. అత్యధిక స్కోరు 137 పరుగులు. టెస్టుల్లో, అతను భారత్ పై 27 మ్యాచ్ లు ఆడి 46.52 సగటుతో 1163 పరుగులు చేశాడు.