KTR : చంచల్ గూడ జైలుకు కేటీఆర్

KTR : చంచల్ గూడ జైలుకు బిఆర్ఎస్ పార్టీ వర్కింగ్ ప్రెసిడెంట్ కేటీఆర్ (KTR) వెళ్లారు. సోషల్ మీడియాలో సీఎంను అసభ్యంగా దూషిస్తూ ఉన్న వీడియోలు పెట్టిన రేవతి, తన్వి యాదవ్ లను జైలులో కేటీఆర్ పరామర్శించారు. కేటీఆర్ తోపాటు ఎమ్మెల్యే సబితా ఇంద్రారెడ్డి, ఎమ్మెల్సీ దాసోజు శ్రవణ్ ఉన్నారు. ఈ క్రమంలో కేటీఆర్ మాట్లాడుతూ.. ప్రభుత్వం మీద ప్రజల్లో ఉన్న అసహనాన్ని, వ్యతిరేకతను చెప్తే జర్నలిస్టులను అక్రమ అరెస్ట్ చేస్తారా అని ప్రశ్నించారు. రాష్ట్రంలో ప్రధాన మీడియాని రేవంత్ రెడ్డి మేనేజ్ చేస్తున్నాడు కాబట్టి ప్రజలు డిజిటల్ మీడియాలో తమ అభిప్రాయాన్ని బయట పెడితే రేవంత్ రెడ్డి బాషలోనే అయన స్ధానాన్ని గుర్తు చేస్తే ఈరోజు జర్నలిస్టులను జైలులో పెడితే ఎంత వరుకు న్యాయం అని అన్నారు. రేవంత్ రెడ్డి ప్రభుత్వం వచ్చాక సిద్దిరెడ్డి శ్రీనివాస్ రెడ్డి, గౌతమ్ గౌడ్, ఆకుల శ్రీనివాస్ రెడ్డి, శంకర్ గౌడ్, రంజిత్ రెడ్డి, రాజ్ కుమార్ నాయక్, సరిత యాదవ్, విజయారెడ్డి, రేవతి, తన్వీ యాదవ్, శివారెడ్డి ఇలా ఇంత మంది జర్నలిస్టులను అక్రమ అరెస్ట్ చేశారు అని కేటీఆర్ తెలిపారు.