జర్నలిస్టు కాలనీ లో భారీ అగ్ని ప్రమాదం .. తప్పిన పెను ప్రమాదం!

హైదరాబాద్ జూబ్లీహిల్స్ జర్నలిస్టు కాలనీ లో భారీ అగ్ని ప్రమాదం జరిగింది. రోడ్ నంబర్ 82లోని జర్నలిస్టు కాలనీ బస్టాప్ ఎదురుగా ఉన్న బహుళ అంతస్తుల భవనంలో ఈ ప్రమాదం జరిగింది. దీంతో.. స్థానికులు, వాహనదారులు భయాందోళనకు గురయ్యారు. అయితే.. ఈ ప్రమాదం షార్ట్ సర్క్యూట్ వల్ల జరగడంతో.. పార్కింగ్ ఏరియాలో మంటలు చెలరేగాయి. మంటలను చూసిన సాఫ్ట్ వేర్ కంపెనీ ఉద్యోగులు వెంటనే బయటకు పరుగులు తీశారు. కాగా.. ఈ ప్రమాదంపై వెంటనే అగ్నిమాపక సిబ్బందికి సమాచారం అందించడంతో వెంటనే ఘటనా స్థలానికి చేరుకున్నారు.రంగంలోకి దిగిన అగ్నిమాపక సిబ్బంది మంటలను అదుపు చేశారు.ఈ ప్రమాదంలో ప్రాణాపాయం త్రుటిలో తప్పింది.