అన్నదాతలకు తీపికబురు.. సంక్రాంతి కానుకగా ఖాతాల్లోకి రైతు భరోసా నగదు..!

అన్నదాతలు రైతు భరోసా కోసం ఆశగా ఎదురుచూస్తున్నారు. కాంగ్రెస్ సర్కార్ తెలంగాణ రైతులకు పెట్టుబడి సాయం.. గత ప్రభుత్వం కంటే ఎక్కువ చేసి 7500 చొప్పున ఇస్తామని కాంగ్రెస్ రైతులకు హామీ ఇచ్చింది. ఇక హామీని నిలబెట్టుకునే క్రమంలో కసరత్తు చేస్తున్న రేవంత్ రెడ్డి ప్రభుత్వం అన్నదాతలకు శుభవార్త చెప్పింది. రైతు భరోసా కోసం ఎదురుచూస్తున్న రైతులకు సంక్రాంతి పండుగ నుండి సంక్రాంతి కానుకగా పెట్టుబడి సాయాన్ని అందించనున్నట్లు వెల్లడించింది. గత బీఆర్ఎస్ ప్రభుత్వ హయాంలో ఎకరానికి 5000రూపాయలు ఇవ్వగా, ప్రస్తుతం రైతు భరోసా పేరుతో కాంగ్రెస్ ప్రభుత్వం జనవరిలో యాసంగి సాగుకు ఎకరానికి 7500 చొప్పున రైతులకు పంపిణీ చేయాలని నిర్ణయం తీసుకుంది.