ఇదేనిజం, తెలంగాణ బ్యూరో: టోల్ రోడ్డులో ప్రయాణించే చాలా మంది టోల్ గేట్ దగ్గర ఇచ్చే రసీదును పడేస్తుంటారు. నిజానికి ఈ రసీదును చాలా జాగ్రత్తగా ఉంచుకోవాలి. ఈ రసీదు మీ దగ్గర ఉంటే అనేక ప్రయోజనాలు ఉన్నాయి. అవేంటో ఇప్పుడు తెలుసుకుందాం..
- టోల్ రోడ్డులో ప్రయాణిస్తున్నప్పుడు మీ వాహనం అకస్మాత్తుగా ఆగిపోతే, మీ కారును తీసుకెళ్లడం టోల్ కంపెనీ బాధ్యత.
- ఎక్స్‌ప్రెస్ హైవేలో మీ కారులో పెట్రోల్ లేదా బ్యాటరీ అయిపోతే, మీ కారుకు పెట్రోల్, లేదా చార్జింగ్ అందించడం కూడా టోల్ సంస్థ బాధ్యత. ఈ ప్రయోజనం పొందాలంటే మీరు 1033కి కాల్ చేయాలి. పది నిమిషాల్లో టోల్ సిబ్బంది మీకు సహాయం చేస్తారు. మీరు 5 నుంచి 10 లీటర్ల పెట్రోల్ ఉచితంగా పొందవచ్చు. కారు పంక్చర్ అయినా ఈ నంబర్ కు కాల్ చేయొచ్చు.
- మీ కారు ప్రమాదంలో చిక్కుకున్నప్పుడు కూడా మీరు ఈ నంబర్ కు కాల్ చేయొచ్చు.
- కారులో ప్రయాణిస్తున్నప్పుడు ఎవరైనా అకస్మాత్తుగా అస్వస్థతకు గురైతే, వారిని వెంటనే ఆసుపత్రికి తీసుకెళ్లే బాధ్యత కూడా టోల్ కంపెనీలదే. కాబట్టి టోల్ రసీద్ జాగ్రత్తగా ఉంచుకోండి.
