హైద‌రాబాద్‌ ప్రజలకు అలెర్ట్.. నేడు పలు ఎంఎంటీఎస్ రైళ్లు ర‌ద్దు..!

హైద‌రాబాద్ న‌గ‌ర ప‌రిధిలో నేడు (అక్టోబ‌ర్ 2) ప‌లు ఎంఎంటీఎస్ రైళ్ల‌ను ర‌ద్దు చేస్తున్న‌ట్లు ద‌క్షిణ మ‌ధ్య రైల్వే అధికారులు ప్ర‌క‌టించారు. ప‌లు అభివృద్ధి ప‌నుల కార‌ణంగా రైళ్ల‌ను ర‌ద్దు చేస్తున్న‌ట్లు అధికారులు పేర్కొన్నారు. ఉందాన‌గ‌ర్ – లింగంప‌ల్లి (47153), లింగంప‌ల్లి – ఉందాన‌గ‌ర్‌(47176), ఉందాన‌గ‌ర్ – లింగంప‌ల్లి(47160), ఫ‌ల‌క్‌నుమా – లింగంప‌ల్లి(47167), లింగంప‌ల్లి – ఉందాన‌గ‌ర్(47194) రైళ్ల‌ను ర‌ద్దు చేసిన‌ట్లు అధికారులు తెలిపారు. ఈ రైళ్ల ర‌ద్దు నేప‌థ్యంలో ప్ర‌యాణికులు ప్ర‌త్యామ్నాయ ర‌వాణా సౌక‌ర్యాల‌ను చూసుకోవాల‌ని సూచించారు.