‘రాజా సాబ్’ మూవీ నుండి అదిరిపోయే అప్డేట్.. మరోసారి ప్రభాస్ సరసన లేడీ సూపర్ స్టార్

పాన్ ఇండియా స్టార్ ప్రభాస్ హీరోగా మారుతి దర్శకత్వంలో ‘రాజాసాబ్’ అనే సినిమా చేస్తున్నాడు. ఈ సినిమాలో నిధి అగర్వాల్, రిద్ధి కుమార్, మాళవిక మోహనన్ హీరోయిన్లుగా నటిస్తున్నారు. ఈ సినిమా రొమాంటిక్ హారర్ డ్రామాగా తెరకెక్కుతుంది. తాజాగా ఈ సినిమాకు సంబంధించిన ఓ ఆసక్తికరమైన వార్త సోషల్ మీడియాలో వైరల్ అవుతుంది. ఈ సినిమాలో ఒక ఐటెం సాంగ్ ఉందిని తెలుస్తోంది. అయితే ఈ సినిమాలో ఐటెం సాంగ్ కోసం లేడీ సూపర్ స్టార్ నయనతార ఎంపికైందనే తెలుస్తోంది. ఇప్పటికే ఆ సాంగ్ కోసం నయనతారను సంప్రదించిన చిత్రబృందం ఈ సినిమాలో నటించేందుకు గ్రీన్ సిగ్నల్ ఇచ్చిందని టాక్ నడుస్తుంది. వీరిద్దరూ 2007లో వివి వినాయక్ దర్శకత్వంలో వచ్చిన ‘యోగి’ సినిమాలో కలిసి నటించారు. ప్రభాస్, నయనతార జంటగా నటించిన ఈ సినిమా బాక్సాఫీస్ వద్ద మంచి విజయం సాధించింది. దాదాపు 17 ఏళ్ల తర్వాత వీరిద్దరూ కలిసి ఓ సినిమాలో నటించబోతున్నారనే వార్త వైరల్‌గా మారింది. ‘రాజాసాబ్’ సినిమాని పీపుల్ మీడియా ఫ్యాక్టరీ బ్యానర్ పై టిజి విశ్వ ప్రసాద్, వివేక్ కూచిబొట్ల నిర్మిస్తున్నారు.ఈ సినిమాకి ఎస్ఎస్ థమన్ సంగీతం అందిస్తున్నారు. ఈ సినిమా వచ్చే ఏడాది ప్రపంచవ్యాపంగా ఏప్రిల్ 10న తెలుగుతో పాటు హిందీ, తమిళం, మలయాళం, కన్నడ భాషల్లో విడుదల కానుంది.