ఒక్క పైసా లేదు.. నగలు అమ్మి లాయర్​ ఫీజు చెల్లించా..

ముంబాయి: తన వద్ద ఒక్క పైసా లేదని.. నగలు అమ్మి లాయర్​ ఫీజు చెల్లించానని అనిల్ అంబానీ బ్రిటన్ కోర్టుకు తెలియజేశారు. ఖరీదైన రోల్స్ రాయిస్​ కారు లేదని, ఇది మీడియా ప్రచారమేనని కోర్టు దృష్టికి తీసుకొచ్చారు. వీడియో కాన్ఫరెన్స్ ద్వారా శుక్రవారం బ్రిటన్​ కోర్టు ముందు హాజరయ్యారు. తన తల్లికి రూ.500 కోట్లు, కుమారుడు అన్‌మోల్‌కు రూ.310 కోట్ల రుణాలు ఉన్నట్లు తెలియజేశారు.
మూడు చైనా బ్యాంకుల అనిల్​ అంబానీ రుణాలు తీసుకోని వాటిని తిరిగి చెల్లిండంలో విఫలమయ్యారు. దీంతో చైనా బ్యాంకులు బ్రిటన్​ కోర్టును ఆశ్రయించాయి. 2020 జూన్ 12లోగా 716,917,681 డాలర్లు (రూ.5,281 కోట్లు), కోర్టు ఖర్చుల కింద 75,000 యూరోలు (రూ.7కోట్లు) చెల్లించాలని మే 22న బ్రిటన్ హైకోర్టు అనిల్​ అంబానీని ఆదేశించింది. అయితే గడువులోగా ఈ మొత్తాన్ని చెల్లించడంలో అనిల్ విఫలమయ్యారు. దీంతో చైనా బ్యాంకులు మరోసారి బ్రిటన్ హైకోర్టును ఆశ్రయించాయి.