– కాంగ్రెస్లోకి బాజిరెడ్డి గోవర్ధన్
– పార్లమెంటు ఎన్నికల వేళ మరో షాక్
– నిజామాబాద్ ఎంపీ బరిలో దించాలని ప్లాన్
– కానీ షాకిచ్చిన బాజిరెడ్డి
ఇదేనిజం, తెలంగాణ బ్యూరో: BRS లో మరో వికెట్ ఔట్ కాబోతున్నట్టు సమాచారం. నిజామాబాద్ రూరల్ మాజీ ఎమ్మెల్యే, ఆర్టీసీ మాజీ చైర్మన్ బాజిరెడ్డి గోవర్ధన్ కాంగ్రెస్లో చేరబోతున్నట్టు తెలుస్తోంది. నిజానికి బాజిరెడ్డికి నిజామాబాద్ ఎంపీ బరిలో దించాలని బీఆర్ఎస్ ప్లాన్ చేసింది. కానీ బాజిరెడ్డి అందుకు సముఖంగా లేరని తెలుస్తోంది. ఆయన కాంగ్రెస్ పార్టీలో చేరి నిజామాబాద్ పార్లమెంటు స్థానం నుంచి బరిలోకి దిగబోతున్నట్టు సమాచారం. అక్కడి నుంచి బీజేపీ అభ్యర్థిగా ధర్మపురి అర్వింద్ బరిలోకి దిగనున్న విషయం తెలిసందే. ఈ మేరకు బీజేపీ టికెట్ కేటాయించింది. ఈ నేపథ్యంలో అదే మున్నూరు కాపు సామాజిక వర్గానికి చెందిన సీనియర్ నేత బీఆర్ఎస్ బాజిరెడ్డిని బరిలోకి దింపేందుకు రెడీ అవుతోంది. బీఆర్ఎస్ పార్టీ నుంచి ఎవరెప్పుడు జంప్ అవుతారో ఎవరికీ అర్థం కాని పరిస్థితి నెలకొన్నది. మొన్న అసెబ్లీ ఎన్నికల్లో ఓడిపోయాక ఆ పార్టీ నుండి రోజు రోజుకు వెళ్లి పోయే నాయకుల సంఖ్య పెరుగుతున్నది. నిన్నటికి నిన్న నలుగురు పెద్ద నాయకులు బీజేపీలోకి పోయారు. మళ్లీ ఇప్పుడు మరో జంపింగ్ విషయం సంచలనం కలిగిస్తున్నది.
