అనుపమ తన కెరియర్ ను మొదలుపెట్టిన దగ్గర నుంచి నటన ప్రధానమైన పాత్రలను మాత్రమే చేస్తూ వెళుతోంది. అమ్మాయి పద్ధతిగా .. లక్షణంగా కనిపిస్తుందంటూ, ఫ్యామిలీ ఆడియన్స్ అంతా కూడా ఆమె అభిమానులుగా మారిపోయారు. అనుపమ కూడా ఆ ఇమేజ్ ను కాపాడుకుంటూ వచ్చింది. కానీ ‘టిల్లు స్క్వైర్’ సినిమాతో అంతా మారిపోయింది.
రేపు (మార్చి 29) విడుదలవుతున్న ఈ సినిమా .. రొమాంటిక్ టచ్ తో నడుస్తుంది. కథకి తగినట్టుగా .. తన పాత్రకి తగినట్టుగా కనిపించడం కోసం అందాల ఆరబోతకు అనుపమ వెనుకాడలేదు. ఇక రిలీజ్ దగ్గర పడుతున్న వేళ ఈ సినిమా నుంచి వదిలిన హాట్ పోస్టర్లు వైరల్ అయ్యాయి. అనుపమ ఒక్కసారిగా ఇలా స్పీడ్ పెంచిందేంటబ్బా అనుకుంటూ అంతా షాక్ అయ్యారు. చాలామంది చాలా రకాలుగా కామెంట్లు పెట్టారు.
