ఇదే నిజం జగిత్యాల రూరల్: ఎమ్మార్పీఎస్ వ్యవస్థాపకులు మందకృష్ణ మాదిగ ఆదేశాల మేరకు నూతన కమిటీ నిర్మాణంలో భాగంగా, శనివారం రోజున జిల్లా కేంద్రానికి చెందిన నక్క రమేష్ ను జిల్లా ఉపాధ్యక్షులుగా నియమించి నియామకపత్రం అందించడం జరిగిందని జిల్లా అధ్యక్షులు సురుగు శ్రీనివాస్, దుమాల గంగారాం లు తెలిపారు. ఉపాధ్యక్షులుగా నియామకమైన రమేష్ మాట్లాడుతూ.. మందకృష్ణ మాదిగ ఆదేశాలనుసారంగా గ్రామ గ్రామాన బలోపేతం చేస్తానని జిల్లా నాయకత్వానికి కృతజ్ఞతలు తెలిపారు. ఈ కార్యక్రమంలో ఎమ్మార్పీఎస్ జిల్లా అధికార ప్రతినిధి బెజ్జంకి సతీష్, ఎమ్మార్పీఎస్ నియోజకవర్గ కన్వీనర్ నక్క సతీష్, కో కన్వీనర్ పోడేటి సునీల్, సంగేపు ముత్యం, తదితరులు పాల్గొన్నారు.
- Advertisment -
