Kantara చాప్టర్–1కు ఆడిషన్స్ ఓపెన్

కన్నడ నటుడు రిషబ్ శెట్టి నటించి, దర్శకత్వం వహించిన కాంతార సినిమా ఎంత పెద్ద హిట్టయ్యిందో అందరికీ తెలిసిందే. గతేడాది రిలీజైన కాంతార పాన్ ఇండియా లెవెల్​లో సత్తాచాటింది. మూవీ క్లైమాక్స్​లో రిషబ్​ నటనకు ఆడియెన్స్​తో పాటు సినీ క్రిటిక్స్​ నుంచి ప్రశంసలు దక్కాయి. అయితే, కాంతార సినిమాకు ప్రీక్వెల్​గా రిషబ్​ ‘కాంతార చాప్టర్–1’ను తెరకెక్కిస్తున్న సంగతి తెలిసిందే. దీనికి కాంతార.. ఎ లెజెండ్ అనే టైటిల్​ను సైతం మేకర్స్ ఫిక్స్ చేశారు. ఈ మూవీ షూటింగ్ స్పీడ్​గా జరుగుతోంది. అయితే, మేకర్స్ సినిమాలో మరికొన్ని పాత్రల కోసం ఆడిషన్స్ ను ఓపెన్ చేసినట్లు తెలుస్తోంది. 30 నుంచి 60 ఏండ్ల మధ్య వయసున్న మగవారు, 18 నుంచి 60 ఏండ్ల మధ్య వయసున్న యువతలు, మహిళలు ఈ ఆడిషన్స్​కు రావొచ్చని, ఇందుకోసం kantara.film అనే సైట్​ను విజిట్ చేసి అందులో ప్రొఫైల్స్​ను అప్​లోడ్​ చేయాలన్నారు. హొంబలే ఫిల్మ్స్ బ్యానర్​పై విజయ్ కిరగందూర్ నిర్మిస్తున్న ఈ మూవీకి అజనీశ్ లోక్ నాథ్ సంగీతం అందిస్తున్నారు. ఈ సినిమాపై ఆడియెన్స్​, రిషబ్ ఫ్యాన్స్​లో మంచి అంచనాలు నెలకొన్నాయి.