ఎండపల్లి, ఇదే నిజం: కారు ఢీకొని ఆటో డ్రైవర్ ప్రాణాలు కోల్పోయిన ఘటన జగిత్యాల జిల్లా ఎండపల్లి మండలం కొత్తపేట గ్రామంలో చోటు చేసుకున్నది. ఆటో డ్రైవర్ బోగ లచ్చయ్య (55) అతని ఆటోను బస్టాండ్ వద్ద నిలిపి ఇంటికి వెళ్తుండగా.. రోడ్డుపై వస్తున్న కారు అతివేగంగా ఢీకొట్టింది. ఈ ప్రమాదంలో లచ్చయ్య తలకు తీవ్ర గాయాలయ్యాయి. వెంటనే స్థానికులు అతడిని కరీంనగర్ లోని ప్రభుత్వ ఆసుపత్రికి తరలించారు. అప్పటికే లచ్చయ్య మృతి చెందినట్టు వైద్యులు నిర్ధారించారు. ఈ ఘటనపై మృతుని మేనల్లుడు గాజుల శ్రీనివాస్ ఇచ్చిన ఫిర్యాదు మేరకు కేసు నమోదు చేసి దర్యాప్తు చేపట్టినట్లు వెల్గటూర్ మండల ఎస్సై కొక్కుల శ్వేత తెలిపారు.
- Advertisment -
