అమెరికా జాతీయ పక్షిగా బాల్డ్‌ ఈగల్‌..!

అమెరికా జాతీయ పక్షిగా బాల్డ్ ఈగల్ అధికారికంగా అవతరించింది. ఇందుకు సంబంధించిన బిల్లుకు అధ్యక్షుడు జో బైడెన్ 2024, డిసెంబరు 24న ఆమోదం తెలిపారు. అమెరికా అధికారిక గుర్తుపై బాల్డ్ ఈగల్ చిత్రాన్ని 1782 నుంచి వినియోగిస్తున్నారు. అయితే ఆ పక్షిని ఇప్పటి వరకూ అధికారికంగా జాతీయ పక్షిగా ప్రకటించలేదు. తాజాగా అధ్యక్షుడి ఆమోదముద్రతో బాల్డ్ ఈగల్ అమెరికా జాతీయ పక్షిగా గుర్తింపు పొందింది.