BCCI: ఇండియా- పాకిస్తాన్ మ్యాచ్‌లు ఇక ఉండవు.. బీసీసీఐ సంచలన నిర్ణయం..!

BCCI: పాకిస్తాన్ దేశానికి వరుసగా ఎదురుదెబ్బలు తగులుతున్నాయి. బీసీసీఐ సంచలన నిర్ణయం తీసుకుంది, భారత్-పాకిస్తాన్ మధ్య ద్వైపాక్షిక క్రికెట్ సిరీస్‌లు ఇకపై నిర్వహించబోమని స్పష్టం చేసింది. ఈ నిర్ణయం కశ్మీర్‌లోని పహల్గామ్‌లో జరిగిన దాడి నేపథ్యంలో వచ్చింది. బీసీసీఐ ఉపాధ్యక్షుడు రాజీవ్ శుక్లా ఈ విషయాన్ని నొక్కి చెప్పారు. భవిష్యత్తులో ఐసీసీ ఈవెంట్‌లలో మాత్రమే తటస్థ వేదికలపై పాకిస్తాన్‌తో ఆడతామని, కానీ ద్వైపాక్షిక సిరీస్‌లు ఉండవని తెలిపారు. ఈ దాడిని భారత క్రీడాకారులు, మాజీ క్రికెటర్లు తీవ్రంగా ఖండించారు, కొందరు పాకిస్తాన్‌తో క్రీడా సంబంధాలను పూర్తిగా తెంచుకోవాలని డిమాండ్ చేశారు.