హైదరాబాద్: బాలీవుడ్ డ్రగ్స్ కేసులో రోజుకో పేరు విన్పిస్తోంది. తాజాగా టాలీవుడ్‌ సూపర్‌స్టార్‌ మహేశ్‌బాబు సతీమణి నమ్రతా శిరోద్కర్ కూడా చేరింది. ఈ మేరకు కొన్ని జాతీయ చానల్స్ నమ్రతా శిరోద్కర్ పేరును ప్రస్తావించాయి. ‘బాంబేలో మంచి ఎండీ ఇస్తావని ప్రామిస్ చేశావు.. ఎండీ ఇచ్చాక మనం కలిసి పార్టీ చేసుకుందామని నమ్రత టాలెంట్ మేనేజర్ జయ సాహుతో చాటింగ్ చేసినట్లు’ మీడియా కథనాల్లో పేర్కొన్నాయి. సుశాంత్ మరణం అనంతరం డ్రగ్స్ కోణం వెలుగు చూడటంతో అతని గర్ల్‌ఫ్రెండ్ రియా చక్రవర్తిని ముంబాయి నార్కొటిక్ అధికారులు అరెస్ట్ చేశారు. ఆమె వద్ద నుంచి కీలక సమాచారం రాబడుతున్నారు. ఈ నేపథ్యంలోనే మీడియాలో ఒక్కొక్కటిగా కొత్త పేర్లు తెరపైకి వస్తున్న విషయం తెలిసిందే.
బాలీవుడ్ డ్రగ్స్ కేసులో మహేష్‌బాబు సతీమణి నమ్రత!
