Pushpa2 లో బాలీవుడ్ స్టార్

ఐకాన్ స్టార్ అల్లు అర్జున్ నటిస్తున్న పుష్ప 2 సినిమా కోసం ఆడియన్స్ తెగ ఎదురుచూస్తున్నారు. సుకుమార్ డైరెక్ట్ చేస్తున్న ఈ చిత్రం గురించి రోజుకో న్యూస్ సోషల్ మీడియాలో వైరల్ అవుతోంది. తాజాగా ఈ చిత్రంలో మరో స్టార్ యాక్టర్ కూడా నటిస్తున్నాడంటూ ప్రచారం జరుగుతోంది. లేటెస్ట్ టాక్ ప్రకారం బాలీవుడ్ స్టార్ సంజయ్ దత్ కోసం పుష్ప 2లో ఓ కీలక పాత్రను ప్లాన్ చేశారట. సినిమాలో ఓ హై పాయింట్ దగ్గర సంజయ్ దత్ పాత్ర ఎంట్రీ ఇస్తుందట. డాన్ క్యారెక్టర్‌లో సంజయ్ కనిపిస్తారని అంటున్నారు. కేజీఎఫ్ 2లో సంజయ్ దత్ చేసిన అధీర పాత్రకి సూపర్ రెస్పాన్స్ వచ్చిన సంగతి తెలిసిందే. విలన్ రోల్‌లో సంజయ్ ఇరగదీశాడు. దీంతో పుష్ప 2 సినిమాలో సంజయ్ దత్ ఉంటే హిందీలో సినిమాకి ఇంకా ప్లస్ అవుతుందని మూవీ టీమ్ భావిస్తుందంట. అయితే ఇది కేవలం సోషల్ మీడియాలో జరుగుతున్న ప్రచారమే. కానీ ఇప్పటివరకూ మూవీ టీమ్ దీనిపై ఎలాంటి ప్రకటన చేయలేదు.