శ్రీ విష్ణు, ప్రియదర్శి, రాహుల్ రామకృష్ణ నటించిన కామెడీ, ఎమోషనల్, లవ్ స్టోరి ‘ఓం భీమ్ బుష్’ గత శుక్రవారం (మార్చి 22) రిలీజై బాక్సాఫీస్ వద్ద కలెక్షన్ల మోత మోగిస్తోంది. హుషారు ఫేమ్ శ్రీ హర్ష దర్శకత్వంలో రూపొందిన ఈ సినిమా తొలి రోజు నుంచి పాజిటివ్ టాక్‌తో దూసుకెళ్తున్నది. ప్రముఖ నిర్మాత సంస్థ యూవీ క్రియేషన్స్ బ్యానర్‌ సమర్పణలో సునీల్ బలుసు నిర్మించిన ఈ చిత్రంలో కామాక్షి భాస్కర్ల, ఆయేషా ఖాన్, ప్రీతి ముకుందన్ తదితరులు నటించారు. కాగా, ఈ సినిమా బాక్సాఫీస్ వద్ద ఊచకొత మొదలుపెట్టింది.. 4 రోజుల్లో ప్రపంచవ్యాప్తంగా 21 కోట్ల గ్రాస్ వసూలు చేసింది. చాలా కాలం తర్వాత, తెలుగు ప్రేక్షకులు బ్యాంగ్ బ్రదర్స్ శ్రీవిష్ణు, ప్రియదర్శి, మరియు రాహుల్ రామకృష్ణలతో కలిసి థియేటర్లలో పూర్తిగా వినోదాన్ని పంచారు.
శ్రీవిష్ణు తన చివరి సినిమా సామజవరగమన విజయంతో మంచి ఫామ్‌లో ఉన్నాడు. ఈ అంశాలన్నీ పోస్ట్-రిలీజ్ టాక్ కూడా సినిమాకి మంచి బిజినెస్ చేయడంలో వల్ల కలెక్షన్స్ పెరుగుతున్నాయి.. ఓం భీమ్ బుష్ మంచి ఓపెనింగ్‌స్ ను సాధించింది. రోజు రోజుకు కలెక్షన్స్ పెరుగుతున్నాయి.. నాల్గొవ రోజు కూడా అదిరిపోయే కలెక్షన్స్ ను రాబట్టడం విశేషం. ఈ చిత్రం నాలుగు రోజులలో ప్రపంచవ్యాప్తంగా రూ. 21.75 కోట్లు వసూలు చేసింది. ఇది శ్రీ విష్ణుకు అత్యధిక వారాంతపు వసూళ్లు. ఓం భీమ్ బుష్ USAలో కూడా సూపర్ సాలిడ్. ఇది రీజియన్‌లో 4 రోజుల్లో $400K వసూలు చేసింది. దేశమంతా హోలీ సందర్బంగా సినిమా కలెక్షన్లు భారీగా పెరిగాయని చెప్పడంలో ఎటువంటి సందేహం లేదు. శ్రీ హర్ష కొనుగంటి దర్శకత్వం వహించి, వి సెల్యులాయిడ్ మరియు సునీల్ బలుసు నిర్మించిన ఈ చిత్రం దూసుకుపోతుంది. అలాగే శ్రీవిష్ణుకి కేరీర్ లో అతిపెద్ద రికార్డు అందుకున్న సినిమాగా నిలిచింది..
