BREAKING: పిఠాపురంలో మెగా హీరోపై దాడి

పిఠాపురం అసెంబ్లీ స్థానంలో జనసేన అధినేత పవన్‌ కల్యాణ్‌ పోటీ చేస్తున్న కారణంగా మెగా హీరోలు ప్రచారానికి కదలివస్తున్నారు. జనసేనాని గెలుపు కోసం తమ వంతు సాయం చేస్తున్నారు. అయితే, సినీ నటుడు, పవన్ కల్యాణ్‌ మేనల్లుడు సాయి ధరమ్ తేజ్‌పై దాడికి యత్నించిన ఘటన కలకలం రేపుతోంది.. కాకినాడ జిల్లా పిఠాపురం నియోజకవర్గం పరిధిలోని గొల్లప్రోలు మండలం తాటిపర్తిలో ప్రచారంలో పాల్గొన్న సాయి ధరమ్ తేజ్‌పై కూల్‌ డ్రింక్ బాటిల్ విసిరారు గుర్తు తెలియని వ్యక్తులు.. అయితే, సాయి ధరమ్‌ తేజ్‌కు తృటిలో ప్రమాదం తప్పింది.. కానీ, పక్కనే ఉన్న జనసేన నాయకుడు నల్ల శ్రీధర్‌కు ఆ కూల్‌ డ్రింక్‌ బాటిల్ తగలడంతో తీవ్ర గాయం అయ్యాయింది. కంటి పై భాగంలో బాటిల్‌ బలంగా తాకడంతో తీవ్ర రక్తస్రావమైంది. చికిత్స నిమిత్తం వెంటనే పిఠాపురం ప్రభుత్వ ఆసుపత్రికి తరలించారు.