– ఎస్టీ కాని వ్యక్తికి ఖానాపూర్ టికెట్ ఎలా ఇచ్చారు?
– జాన్సన్ నాయక్ కన్వర్టెడ్ క్రిష్టియన్
– ఎమ్మెల్యే రేఖానాయక్ సంచలన ఆరోపణ
ఇదేనిజం, ఆదిలాబాద్: బీఆర్ఎస్ టికెట్ దక్కని ఎమ్మెల్యే రేఖానాయక్ సంచలన ఆరోపణ చేశారు. తాను బీఆర్ఎస్ పార్టీపై ప్రతీకారం తీర్చుకుంటానని శపథం చేశారు. అసలు ఎస్టీ కానీ జాన్సన్ నాయక్ కు టికెట్ ఎలా ఇచ్చారని ప్రశ్నించారు. జాన్సన్ నాయక్ కన్వర్టెడ్ క్రిష్టియన్ అంటూ ఆరోపణలు గుప్పించారు. ఖానాపూర్, ఆసిఫాబాద్ రెండు అసెంబ్లీ నియోజకవర్గాలనూ తాను దృష్టి పెట్టబోతున్నారని చెప్పారు. ఆమె భర్త శ్యాం నాయక్ సైతం వీఆర్ఎస్ తీసుకున్నారు. దీంతో ఆయన కోసం రాజకీయాలపై ఫోకస్ పెట్టారు. రేఖా నాయక్ దంపతులిద్దరూ కాంగ్రెస్ పార్టీలో చేరబోతున్నట్టు సమాచారం. ఆసిఫాబాద్ లేదా ఖానాపూర్ ఏదో ఒక టికెట్ ఇస్తామని కాంగ్రెస్ నేతలు హామీ ఇచ్చినట్టు సమాచారం. ఖానాపూర్‌లో తన సత్తా ఏమిటో చూపిస్తానని రేఖా నాయక్ అంటున్నారు.
