– ఎంపీ బండి సంజయ్ ఆరోపణలు
ఇదే నిజం, తెలంగాణ బ్యూరో: బీఆర్ఎస్ సర్కార్ యువతను మత్తుకు బానిసలను చేస్తోందని కరీంనగర్ ఎంపీ, బీజేపీ జాతీయ ప్రధాన కార్యదర్శి బండి సంజయ్ ఆరోపించారు. బుధవారం కరీంనగర్లో నిర్వహించిన ఎన్నికల ప్రచారంలో ఆయన పాల్గొన్నారు. ఈ సందర్భంగా మీడియాతో మాట్లాడుతూ.. బీఆర్ఎస్, కాంగ్రెస్ పార్టీల డీఎన్ఏల్లో బీసీలపై వ్యతిరేకత ఉందన్నారు. బీసీ, దళితులను సీఎం అభ్యర్థిగా బీఆర్ఎస్ ప్రకటించగలదా అని ప్రశ్నించారు. కాంగ్రెస్ ఎమ్మెల్యేలను గెలిపిస్తే బీఆర్ఎస్కు అమ్ముడుపోతారన్నారు. బీఆర్ఎస్ నుంచి విముక్తి పొందాలంటే బీజేపీని గెలిపించుకోవాలని ఆయన కోరారు. రెండ్రోజుల కిందట కరీంనగర్ అసెంబ్లీ సెగ్మెంట్కు బండి సంజయ్ నామినేషన్ వేసిన సంగతి తెలిసిందే.
