సరికొత్త సర్వీస్‌ను ప్రారంభించిన బీఎస్‌ఎన్‌ఎల్‌.. దేశంలో ఎక్కడున్నా సూపర్‌ఫాస్ట్ ఇంటర్నెట్..!

బీఎస్‌ఎన్‌ఎల్‌ తన వినియోగదారుల కోసం కొత్త సేవలను ప్రవేశపెడుతోంది. టారిఫ్‌ ధరలు తక్కువ ఉండడంతో ఇతర వినియోగదారులు బీఎస్ఎన్ఎల్ వైపు మొగ్గు చూపుతున్నారు. ఈ క్రమంలోనే బీఎస్ఎన్ఎల్ కంపెనీ తన జాతీయ వై-ఫై రోమింగ్ సర్వీస్‌ను కూడా ప్రారంభించింది. ఇది BSNL FTTH (ఫైబర్-టు-ది-హోమ్) కస్టమర్‌లను భారతదేశం అంతటా BSNL నెట్‌వర్క్‌కి కనెక్ట్ చేయడానికి అనుమతిస్తుంది. బీఎస్‌ఎన్‌ఎల్‌ కొత్త జాతీయ Wi-Fi రోమింగ్ సేవలను ప్రవేశపెట్టడంతో, కస్టమర్‌లు భారతదేశంలో ఎక్కడి నుండైనా హై-స్పీడ్ బ్రాడ్‌బ్యాండ్ ఇంటర్నెట్‌ను యాక్సెస్ చేయగల సామర్థ్యాన్ని కలిగి అవకాశం ఉంది. ఈ కొత్త సేవతో, BSNL ఫైబర్ కనెక్షన్ వినియోగదారులు హై-స్పీడ్ FTTH నెట్‌వర్క్‌ను పొందవచ్చు. ఈ సదుపాయాన్ని పొందేందుకు వినియోగదారులు తప్పనిసరిగా BSNL FTTH ప్లాన్‌ని కలిగి ఉండాలి. ఈ సేవలను ఉపయోగించుకోవాలి అంటే… బీఎస్‌ఎన్‌ఎల్‌ FTTH జాతీయ Wi-Fi రోమింగ్ సేవలను పొందేందుకు BSNL వినియోగదారులు తప్పనిసరిగా బీఎస్‌ఎన్‌ఎల్‌ వెబ్‌సైట్‌లో https://portal.bsnl.in/ftth/wifiroaming లో నమోదు చేసుకోవాలి. రిజిస్ట్రేషన్ ప్రక్రియ సమయంలో.. వినియోగదారులు ప్రక్రియను పూర్తి చేయడానికి FTTH కనెక్షన్ నంబర్, రిజిస్టర్డ్ మొబైల్ నంబర్‌ను నమోదు చేయాలి. ఈ సేవలతో గ్రామీణ ప్రాంతాల్లో నివసించే ప్రజలు కూడా బీఎస్‌ఎన్‌ఎల్‌ WiFi కనెక్షన్ అందుబాటులో ఉన్నంత వరకు హై-స్పీడ్ ఇంటర్నెట్‌ను ఆస్వాదించవచ్చు.