కుక్కలు ఆత్మలను చూడగలవని, రాత్రి వేళల్లో దెయ్యాన్ని చూసి ఏడుస్తారని కూడా ప్రజలు నమ్ముతారు. అలాగే అర్ధరాత్రి కుక్క ఏడుపు ఎవరి మరణానికి సంకేతం అని చాలామంది నమ్ముతారు. అయితే ఈ వాదనలకు శాస్త్రీయ ఆధారం లేదు. సైన్స్ మరోలా చెబుతోంది. అవి ఏంటో తెలుసుకుందాం..
మనుషుల దృష్టిని ఆకర్షించడానికి కుక్కలు రాత్రిపూట కేకలు వేస్తాయి. కుక్కలు తమ పాత ప్రాంతాలను వదిలి కొత్త ప్రాంతాలకు వచ్చినప్పుడు విచారంగా ఉంటాయని.. ఆ బాధ వల్ల కుక్కలు రాత్రిళ్లు ఏడుస్తాయని అధ్యయనాలు చెబుతున్నాయి. కుక్కలు తమ మానవ కుటుంబం నుండి చాలాసార్లు విడిపోయినప్పటికీ అర్ధరాత్రి ఏడుస్తాయి.
కుక్కలు ప్రమాదంలో గాయపడినప్పుడు లేదా అనారోగ్యంతో ఉన్నప్పుడు రాత్రిపూట ఏడుస్తాయంట. అలాగే ఇతర ప్రాంతాల నుంచి కుక్కలు వచ్చినా కుక్కలు రాత్రిపూట కేకలు ద్వారా అప్రమత్తం చేస్తాయి. అసాధారణమైనదాన్ని చూసినప్పుడు, కుక్క కేకలు వేయడం ప్రారంభిస్తుంది, ఇది ఏడుపులా అనిపిస్తుంది. కుక్కలు కూడా భయపడతాయి. వయసు పెరిగే కొద్దీ ఆ భయం పెరుగుతుంది. అభద్రత పెరుగుతోంది. ఆ భయం వల్ల కొన్నిసార్లు కుక్క అర్ధరాత్రి ఏడుస్తుంది. కుక్కలు కూడా సహచరుడు లేకపోవడం లేదా సహచరుడి మరణం కోసం ఏడుస్తాయి.
జ్యోతిష్య శాస్త్రం ప్రకారం కుక్కలు తమ చుట్టూ ఒక నిరాకారమైన ఆత్మ ఉనికిని పసిగట్టినప్పుడు మాత్రమే ఏడుస్తాయి, ఇది సాధారణ వ్యక్తులకు కనిపించదు లేదా అనుభూతి చెందదు. అందుకే కుక్కలు ఏడ్చినప్పుడు, ప్రజలు వాటిని తరిమికొట్టడానికి ప్రయత్నిస్తాయి. శాస్త్రవేత్తల ప్రకారం కుక్కలు రాత్రిపూట ఏడవవు.. అది వాటి పిలుపు. రాత్రిపూట ఇలా చేయడం వల్ల దూరంగా ఉన్న తన సహచరులకు సందేశం ఇవ్వడానికి ప్రయత్నిస్తాడు.
