– ఓ స్కూల్లో రూ.7.85 లక్షల చోరీ
ఇదే నిజం, తెలంగాణ బ్యూరో: మియాపూర్‌ పోలీసు స్టేషన్‌ పరిధిలో చెడ్డీ గ్యాంగ్‌ సంచారం కలకలం రేపుతోంది. హఫీజ్‌పేట్‌లోని ఓ ప్రైవేటు స్కూల్లో శనివారం అర్ధరాత్రి కొందరు దొంగలు చోరీకి పాల్పడ్డారు. చెడ్డీలు ధరించి మారణాయుధాలతో వచ్చిన వీరు.. స్కూల్ కార్యాలయంలోని కౌంటర్‌లో రూ.7.85 లక్షల క్యాష్ను దోచుకెళ్లారు. ఇందుకు సంబంధించిన వీడియోలు సీసీ కెమెరాలో రికార్డు అయ్యాయి. పాఠశాల యాజమాన్యం ఫిర్యాదు మేరకు కేసు నమోదు చేసి దర్యాప్తు చేపట్టినట్లు పోలీసులు తెలిపారు.
