హైదరాబాద్ చేరుకున్నా రాష్ట్రపతి ద్రౌపది ముర్ము.. స్వాగతం పలికిన సీఎం రేవంత్

రాష్ట్రపతి ద్రౌపది ముర్ము బేగంపేట విమానాశ్రయానికి చేరుకున్నారు. విమానాశ్రయంలో రాష్ట్రపతి ద్రౌపది ముర్ముకు గవర్నర్ జిష్ణుదేవ్ వర్మ, సీఎం రేవంత్ రెడ్డి, డిప్యూటీ సీఎం భట్టి ఘన స్వాగతం పలికారు. పలు అధికారిక కార్యక్రమాల్లో పాల్గొనేందుకు ఆమె నగరానికి వచ్చారు. హైదరాబాద్ లోని ఎన్టీఆర్ స్టేడియంలో జరుగుతున్న కోటి దీపోత్సవం కార్యక్రమానికి రాష్ట్రపతి ద్రౌపది ముర్ము హాజరుకానున్నారు. గురువారం రాత్రి రాజ్ భవన్ లో బస చేసిన ఆమె శుక్రవారం శిల్పకళా వేదికలో జరుగుతున్న లోక్ మంథన్ 2024 కార్యక్రమంలో పాల్గొనున్నారు.అనంతరం రాష్ట్రపతి ద్రౌపది ముర్ము ఢిల్లీకి తిరిగి వెళ్లనున్నారు. రాష్ట్రపతి ద్రౌపది ముర్ము పర్యటన నేపథ్యంలో పోలీసులు గట్టి భద్రతా ఏర్పాట్లు చేశారు.