మూసీ సుందరీకరణ ప్రణాళిక పై సీఎం రేవంత్ కీలక వ్యాఖ్యలు..!

తెలంగాణ సచివాలయంలో సీఎం రేవంత్​రెడ్డి గురువారం మీడియా సమావేశంలో మూసీ సుందరీకరణ ప్రణాళికపై కీలక వ్యాఖ్యలు చేశారు..ఆయన మాట్లాడుతూ.. మూసీ నదిలో పేదలు ఎదుర్కొంటున్న కష్టాలను అధికారులు గుర్తించారు. మొత్తం 33 బృందాలు మూసీపై అధ్యయనం చేశాయి. పది నెలలుగా అధికారులు నిద్రాహారాలు మానేసి పనిచేస్తున్నారని సీఎం రేవంత్ రెడ్డి అన్నారు. రాష్ట్ర భవిష్యత్‌ను నిర్ధేశించే ప్రాజెక్ట్‌ను ప్రభుత్వం చేపట్టిందని అన్నారు. విప్లవాత్మక నిర్ణయాలను అడ్డుకునే, వ్యతిరేకించే వాళ్లు అడుగడుగునా ఉంటారు. వారిని పట్టించుకుంటే మనం ముందుకు వెళ్లలేం అని తెలిపారు. మూసీ పరివాహక ప్రాంతంలో నివిసించే వారి వివరాలు సేకరించాం. దుర్భర స్థితిలో ఉన్నవారికి మెరుగైన జీవితాన్ని అందించాలనే లక్ష్యంతో ప్రభుత్వం వెళ్తోందని తెలిపారు.