దేశంలో ఆందోళనకర స్థాయిలో కరోనా కేసులు.. 6,491కి యాక్టివ్ కేసుల సంఖ్య..!

దేశవ్యాప్తంగా కరోనా కేసులు మరోసారి భారీగా పెరుగుతున్నాయి. కేంద్ర ఆరోగ్య శాఖ తాజా లెక్కల ప్రకారం, గడిచిన 24 గంటల్లో 358 కొత్త కేసులు నమోదు కావడంతో, దేశంలో యాక్టివ్ కేసుల సంఖ్య 6,491కి చేరుకుంది. ఈ పరిస్థితి ప్రజల్లో ఆందోళనను రేకెత్తిస్తోంది.
రాష్ట్రాల వారీగా చూస్తే, కేరళలో అత్యధికంగా 1,957 యాక్టివ్ కేసులు నమోదయ్యాయి. ఇక మహారాష్ట్రలో 607, ఢిల్లీలో 728, గుజరాత్లో 980, కర్ణాటకలో 423, పశ్చిమ బెంగాల్లో 747, తమిళనాడులో 219 కేసులు ఉన్నాయి. ఆంధ్రప్రదేశ్‌లో 85, తెలంగాణలో 9 యాక్టివ్ కేసులు ఉన్నట్లు ఆరోగ్య శాఖ వెల్లడించింది.
ఈ ఏడాది జనవరి నుంచి ఇప్పటివరకు కరోనా కారణంగా 65 మంది మరణించారు, ఇది వైరస్ తీవ్రతను సూచిస్తోంది. కేసుల పెరుగుదల నేపథ్యంలో, ప్రజలు మాస్క్‌లు ధరించడం, సామాజిక దూరం పాటించడం, శానిటైజర్‌లు వాడడం వంటి జాగ్రత్తలు తీసుకోవాలని ఆరోగ్య శాఖ అధికారులు సూచిస్తున్నారు.