“మనం సైతం” కాదంబరి ఫౌండేషన్ ఆధ్వర్యంలో కరోనా టెస్టులు

“మనం సైతం” కాదంబరి ఫౌండేషన్ ఆధ్వర్యంలో మంత్రి ఈటెల రాజేంద్ర సహకారంతో సినీ కార్మికులకు, జూనియర్ ఆర్టిస్టు ఆఫీస్ వద్ద కరోనా పరీక్షలు నిర్వహించారు. ఈ పరీక్షలలో 45 మందికి కరోనా టెస్టులు చేయగా అందులో ముగ్గురికి పోజిటివ్ వచ్చింది. ఈ సందర్బంగా కాదంబరీ ఫౌండేషన్​ వ్యవస్థాపకులు కాదంబరి కిరణ్​ మాట్లాడుతూ మన జీవన శైలి మరింత కఠినం చేసుకుందాం! మరింతగా ముందు జాగ్రత్తలు తీసుకుందాం! కరోనాను మన రాష్ట్రం నుంచి తరిమికొడదాం అని పిలుపునిచ్చారు. కోవిడ్​ నిబంధనలను కఠినంగా పాటిస్తూ ఇంటివద్దే క్షేమంగా ఉండాలని సూచించారు కిరణ్​. ఈ కార్యక్రమంలో వినోద్ బాల, వల్లభనేని అనిల్, పీఎస్​ఎన్​ దొర,  ఎన్​ అనిత, సీసీ శ్రీను, వీ సురేష్, టీం కృషిచేశారు.