“పుష్ప 2” నుంచి క్రేజీ అప్డేట్.. ఈ సారి పుష్ప రాజ్ కోసం శ్రీ వల్లి దిగుతోందిగా..

డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా వస్తున్న చిత్రం “పుష్ప 2 ది రూల్”. ఈ సినిమాలో రష్మిక మందన్న హీరోయిన్ గా నటిస్తున్నారు. ఈ సినిమా పై ఇప్పటికే భారీ అంచనాలు నెలకొని ఉన్న విషయం తెలిసిందే. ఇప్పటికే ఈ సినిమా నుంచి విడుదలైన టీజర్ కు నేషనల్ వైడ్ గా సెన్సేషనల్ రెస్పాన్స్ వచ్చింది. అలాగే ఈ సినిమా నుండి ఫస్ట్ సింగిల్ పుష్ప పుష్ప అంటూ సాగే పాటను మేకర్స్ రిలీజ్ చేసిన సంగతి తెలిసిందే. ఈ ‘పుష్ప పుష్ప’ లిరికల్‌ సాంగ్‌ను మొత్తం 6 భాషల్లో చిత్ర యూనిట్ రిలీజ్ చేసింది. అయితే నిన్ననే రెండో పాటకు సంబంధించి ఈరోజు అప్‌డేట్ ఇస్తున్నామని హింట్ ఇచ్చారు. అయితే ఇప్పుడు ఎట్టకేలకు దీనిపై క్లారిటీ వచ్చింది. రేపు ఉదయం 11:07 గంటలకు “పుష్ప 2” నుంచి రెండో పాటను విడుదల చేయనున్నట్టు మేకర్స్ తెలిపారు. ఈ సాంగ్ ఒక క్రేజీ డ్యూయెట్ అన్నట్టుగా కూడా మేకర్స్ కన్ఫర్మ్ చేసేసారు. రష్మిక, అల్లు అర్జున్ పై ఈ సాంగ్ వీడియోతో ఉంటుంది అని పోస్ట్ చేసారు. అయితే ఈ చిత్రంలో ఫాహద్ ఫాసిల్, అనసూయ భరద్వాజ్, ధనంజయ, రావు రమేష్, సునీల్ తదితరులు కీలక పాత్రల్లో నటిస్తున్నారు.