క్రెడిట్ కార్డు యూజర్స్ అలర్ట్.. కొత్త రూల్స్ తో ఛార్జీల పెంపు..!

క్రెడిట్ కార్డ్ యూజర్స్ కి హెచ్చరిక. ప్రముఖ ప్రైవేట్ బ్యాంకుల్లో ఒకటైన యాక్సిస్ బ్యాంక్ తన క్రెడిట్ కార్డ్ వినియోగదారులకు షాక్ ఇచ్చింది. ఇప్పటి వరకు, ఎయిర్‌లైన్ మరియు హోటల్ లాయల్టీ ప్రోగ్రామ్‌లు తమ రివార్డ్ పాయింట్‌లను ఉచితంగా బదిలీ చేసుకునే అవకాశం ఇవ్వగా.. ఇకపై ఛార్జీలు వసూలు చేయనున్నట్లు తెలిపింది. వారు తమ రివార్డ్ పాయింట్లను ఇతరులకు బదిలీ చేస్తే రూ.199 రిడెంప్షన్ ఛార్జీలు విధించబడతాయి. దీంతో పాటు పలు నిబంధనలను మార్చారు. ఈ కొత్త నిబంధనలు డిసెంబర్ 20, 2024 నుంచి అమలులోకి వస్తాయని బ్యాంక్ ప్రకటించింది.
గడువు తేదీలోగా క్రెడిట్ కార్డ్ బిల్లులు చెల్లించనప్పుడు లేదా కనీస మొత్తం కంటే తక్కువ చెల్లించినప్పుడు ఆలస్య చెల్లింపు ఛార్జీలు విధించబడతాయి. రూ.500 వరకు ఛార్జీలు లేవు. కానీ రూ.501 నుంచి రూ.5000 వరకు చార్జీలు వసూలు చేస్తారు. రూ.5001 నుంచి రూ.10 వేల వరకు ఉన్న బిల్లులకు రూ.750, రూ.10 వేలకు పైబడిన బిల్లులకు రూ.1200. వరుసగా రెండు నెలల పాటు చెల్లింపులు చేయకుంటే అదనంగా రూ.100 ఆలస్య రుసుము చెల్లించాల్సి ఉంటుంది.
ప్రస్తుతం నెలకు 3.60 శాతంగా ఉన్న వడ్డీ రేట్లను 3.75 శాతానికి పెంచారు. వార్షిక వడ్డీ రేట్లను 43.20 శాతం నుంచి 45 శాతానికి పెంచారు. కొన్ని ప్రత్యేక క్రెడిట్ కార్డులు మినహా అన్ని కార్డులకు కొత్త వడ్డీ రేట్లు వర్తిస్తాయని స్పష్టం చేసింది. అందుకే గడువు తేదీకి ముందే చెల్లింపులను పూర్తిCredit card చేయాలని, తద్వారా అధిక వడ్డీని నివారించాలని సూచించారు. NACH చెల్లింపు వైఫల్యం, స్టాండింగ్ సూచనలు, ఆటో డెబిట్ రివర్సల్ మరియు చెక్ రిటర్న్ ఛార్జీలను పెంచినట్లు యాక్సిస్ బ్యాంక్ తెలిపింది. చెల్లింపు మొత్తంలో 2 శాతం లేదా కనిష్టంగా రూ.450 నుండి గరిష్టంగా రూ.1500 వరకు ఉండే ఈ ఛార్జీలు కనిష్ట మొత్తం రూ.500కి పెంచబడ్డాయి.