Cyber Crime: హైదరాబాద్ పోలీసుల భారీ ఆపరేషన్‌.. రూ.5.29 కోట్లు కాజేసిన 23 మంది సైబర్‌ నేరగాళ్ల అరెస్టు..!

Cyber Crime: హైదరాబాద్ పోలీసులు ప్రత్యేక ఆపరేషన్ చేపట్టి 23 మంది సైబర్ నేరగాళ్లను అరెస్టు చేసినట్లు సైబర్‌ క్రైమ్‌ డీసీపీ కవిత తెలిపారు. ఇవాళ ఆమె మీడియాతో మాట్లాడారు. వీరిపై తెలంగాణలో 30, దేశవ్యాప్తంగా 328 కేసులు నమోదయ్యాయన్నారు. ఐదు ప్రత్యేక బృందాలతో ఏపీ, కర్ణాటక, యూపీ, గుజరాత్‌ రాష్ట్రాల్లో ఆపరేషన్‌ చేపట్టామని చెప్పారు. వీరు వివిధ నేరాల్లో మొత్తం రూ.5.29 కోట్లు కాజేశారన్నారు. వారి నుంచి సెల్‌ఫోన్లు, చెక్‌బుక్‌లు, సిమ్‌కార్డులను స్వాధీనం చేసుకున్నట్లు తెలిపారు.