సమస్యలు పరిష్కరించడానికి కృషి చేస్తాం..

దమ్మాయిగూడ, ఇదే నిజం: దమ్మాయిగూడ ప్రజలు పడుతున్న ప్రతి సమస్యను పరిష్కరించడానికి అహర్నిషలు కృషి చేస్తామని మున్సిపల్​ బీజేపి ప్రెసిడెంట్​ నాగమల్లారెడ్డి అన్నారు. మున్సిపల్​ పరిధిలోని 7వ వార్డులో ఎదుర్కొంటున్న సమస్యలపై సోమవారం వైస్ చైర్మన్ నరేందర్ రెడ్డి, కమిషనర్ స్వామి, వార్డు కౌన్సిలర్ లు సందర్శించి నీరు, డ్రైనేజీ, స్ట్రీట్​ లైట్స్​, రోడ్లు తదితర సమస్యలపై చర్చించారు. ఈ సందర్భంగ వారు మాట్లాడుతూ సమస్యలను పరిష్కరించడానికి అవసరమయ్యే నిధులను వెంటనే మంజూరుకు కృషి చేసి సమస్యలు పరిష్కారమయ్యేలా చర్యలు తీసుకుంటామన్నారు. అలాగే ప్రధాన సమస్యగా ఉన్న నీటి సమస్యను కూడా పరిష్కరిస్తామన్నారు. ఈ కార్యక్రమంలో మహిళ మోర్చా అధ్యక్షులు శాంతి, ఉపాధ్యక్షులు మధుసూదన్ రెడ్డి, సీనియర్ నాయకులు బాపిరెడ్డి, కాలనీ సభ్యులు బాలాజీ తదితరులు పాల్గొన్నారు.